Tamannaen Aziyyat Ka Nazara Hum Na Kahte The

tamannaen aziyyat ka nazara hum na kahte the

KHasara hai KHasara hi KHasara hum na kahte the

tumhaari intihaen ant par be-sud nikli hain

samundar jitna gahra utna khaara hum na kahte the

na tu bandon se hai raazi na bande tujh se raazi hain

KHudai rog hai parwardigara hum na kahte the

ye maidan-e-tag-dau hai mashaqqat hi mashaqqat hai

wahi jitega jo sau bar haara hum na kahte the

ghulami ko to aazadi samajhte hain yahan insan

ye hathkaDiyon mein kar lenge guzara hum na kahte the

chuna tha tu ne jo rasta use hum tark kar aae

siyanon ko hai kafi ek ishaara hum na kahte the

sabhi ne apne tinke bhi bil-aKHir KHud uThae hain

nahin hoga yahan koi sahaara hum na kahte the

na 'zishan' aagahi puri hui umren huin puri

na hoga ilm ka koi kinara hum na kahte the

(563) Peoples Rate This

Related Poetry

Your Thoughts and Comments

Tamannaen Aziyyat Ka Nazara Hum Na Kahte The In English By Famous Poet Zeeshaan Sajid. Tamannaen Aziyyat Ka Nazara Hum Na Kahte The is written by Zeeshaan Sajid. Read famous Poem Tamannaen Aziyyat Ka Nazara Hum Na Kahte The for youth and Student by Zeeshaan Sajid. Free Download Tamannaen Aziyyat Ka Nazara Hum Na Kahte The in PDF.