Retili Kitni Hawa Hai Ird-gird
retili kitni hawa hai ird-gird
har nazar ek aaina hai ird-gird
hasraton ki sarzamin KHunrez hai
KHwahishon ki karbala hai ird-gird
ek haqiqat hain meri tanhaiyan
ek ehsas-e-KHuda hai ird-gird
zindagi kachcha ghaDa duniya chanab
tez-rau pani chala hai ird-gird
kya KHabar kab kaun jina chhoD de
tak mein kis ki qaza hai ird-gird
jitni buDhi ho gain sochen meri
utna ziyaada bachpana hai ird-gird
dhul hai bas dhul 'zishan' chaar-samt
ek be-rasta disha hai ird-gard
Zeeshaan Sajid 
(1227) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544