Ye Ishq Ek Imtihan To Le Main Pas Kar Lun

ye ishq ek imtihan to le main pas kar lun

hudud hun to hudud sari cross kar lun

bahut kaThin masalon ki tahlil bhi hai mumkin

agar main ek masale ke TukDe pachas kar lun

tamam qudrat khaDi hai imkan ke nazariye par

qadam uThane se pahle sikke se toss kar lun

kisan kheton se ghar na ja paya sochta tha

ikaTThi pahle main umr-bhar ki kapas kar lun

ye zindagi mumkinat ka ek hara shajar hai

koi to ummid bandh lun koi aas kar lun

shujaaton ke lagenge sab waqiat jhuTe

main KHud ko gar mubtala-e-KHuaf-o-hiras kar lun

safar to kaT jaega magar kya safar kaTega

so apne hamrah chand phulon ki bas kar lun

main aankh mein muntaqil karun raushni ko 'zishan'

magar ye behtar hai dhup ka inikas kar lun

(1088) Peoples Rate This

Your Thoughts and Comments

Ye Ishq Ek Imtihan To Le Main Pas Kar Lun In English By Famous Poet Zeeshaan Sajid. Ye Ishq Ek Imtihan To Le Main Pas Kar Lun is written by Zeeshaan Sajid. Read famous Poem Ye Ishq Ek Imtihan To Le Main Pas Kar Lun for youth and Student by Zeeshaan Sajid. Free Download Ye Ishq Ek Imtihan To Le Main Pas Kar Lun in PDF.