Dil Dhuan Dene Lage Aankh Pighalne Lag Jae

dil dhuan dene lage aankh pighalne lag jae

tum jise dekh lo ek bar wo jalne lag jae

raqs karti hain kai raushniyan kamre mein

us ka chehra na kahin rang badalne lag jae

tez-tez-raftari-e- na badal de mear

sham ke sath kahin umr na Dhalne lag jae

raushni mein teri raftar se karta hun safar

zindagi mujh se kahin tez na chalne lag jae

rista pani bhi ghanimat hai wo din dur nahin

rauzan-e-chashm se jab ret nikalne lag jae

reg-e-sahra hai tere jism ke sone ki misal

aankh phisle to kabhi panw phisalne lag jae

shaKH-e-dil kaT ke miTTi mein daba di hum ne

kash aisa ho ki ye phulne-phalne lag jae

hum bhi hangama-e-bazar-e-jahan se guzre

jaise 'zishan' koi nind mein chalne lag jae

(586) Peoples Rate This

Your Thoughts and Comments

Dil Dhuan Dene Lage Aankh Pighalne Lag Jae In English By Famous Poet Zeeshan Athar. Dil Dhuan Dene Lage Aankh Pighalne Lag Jae is written by Zeeshan Athar. Read famous Poem Dil Dhuan Dene Lage Aankh Pighalne Lag Jae for youth and Student by Zeeshan Athar. Free Download Dil Dhuan Dene Lage Aankh Pighalne Lag Jae in PDF.