Gard-e-safar Mein Rah Ne Dekha Nahin Mujhe
gard-e-safar mein rah ne dekha nahin mujhe
ek umr mahr o mah ne dekha nahin mujhe
achchha hua ki KHak-nashinon ke ru-ba-ru
us shahr-e-kaj-kulah ne dekha nahin mujhe
main dekhta tha rang badalti hui nigah
badli hui nigah ne dekha nahin mujhe
meri sada wahan pe tujhe kaise DhunDti
teri jahan panah ne dekha nahin mujhe
har mauj-e-dard KHud main utare chala gaya
'sahil' dil-e-tabah ne dekha nahin mujhe
Zeeshan Sahil 
(1164) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544