Dil Muztarib Hai Aur Pareshan Jism Hai

dil muztarib hai aur pareshan jism hai

us ke baghair be-sar-o-saman jism hai

ab ho nahin sakega mudawa kisi tarah

wo jo kahin nahin hai to be-jaan jism hai

dil to junun ke khel mein masruf hai magar

us ki nawazishat pe hairan jism hai

main ne bana diya hai jise ishq mein ghazal

dil us ka hai bayaz to diwan jism hai

ab us ke gham se mujh ko milegi kahan najat

dil pasban hai aur nigahban jism hai