Aisa Lagta Hai Jaise Puri Hai

aisa lagta hai jaise puri hai

ye kahani magar adhuri hai

hijr to KHair us ka lazim tha

wasl bhi ab bahut zaruri hai

meri aankhon ke jurm mein shamil

un nigahon ki be-qusuri hai

mere alfaz ho rahe hain KHarch

qaum ki muft mein mashhuri hai

yun mera taj-o-taKHt chhin liya

jaise wo sher-shah-suri hai

in dinon us ke samne dil ki

ji-huzuri hi ji-huzuri hai

kis qadar shoKH kar diya mujh ko

ishq miTThu-miyan ki churi hai

(551) Peoples Rate This

Related Poetry

Your Thoughts and Comments

Aisa Lagta Hai Jaise Puri Hai In English By Famous Poet Zeeshan Sahil. Aisa Lagta Hai Jaise Puri Hai is written by Zeeshan Sahil. Read famous Poem Aisa Lagta Hai Jaise Puri Hai for youth and Student by Zeeshan Sahil. Free Download Aisa Lagta Hai Jaise Puri Hai in PDF.