Nazm

chiDiya pani pine aai lekin koi baat na ki

main us ko ek laDki ki taswir dikhana chahta tha

pas biTha kar koi adhura git sunana chahta tha

us ke paron ko apne jiwan par phailana chahta tha

thoDi der ko dharti se ambar par jaana chahta tha

chiDiya pani pine aai lekin koi baat na ki

sham se pahle wo bhi apne ghar ko jaana chahti thi

rang-birange tinkon se ek KHwab banana chahti thi

chand sitaron ko suraj ko hath lagana chahti thi

pani pi ke wo bhi ek baadal ban jaana chahti thi

(531) Peoples Rate This

Your Thoughts and Comments

Nazm In English By Famous Poet Zeeshan Sahil. Nazm is written by Zeeshan Sahil. Read famous Poem Nazm for youth and Student by Zeeshan Sahil. Free Download Nazm in PDF.