Apna Har Andaz Aankhon Ko Tar-o-taza Laga

apna har andaz aankhon ko tar-o-taza laga

kitne din ke baad mujh ko aaina achchha laga

sara aaraish ka saman mez par sota raha

aur chehra jagmagata jagta hansta laga

malgaje kapDon pe us din kis ghazab ki aab thi

sare din ka kaam us din kis qadar halka laga

chaal par phir se numayan tha dil-awezi ka zoam

jis ko wapas aate aate kis qadar arsa laga

main to apne aap ko us din bahut achchhi lagi

wo jo thak kar der se aaya use kaisa laga

(1099) Peoples Rate This

Your Thoughts and Comments

Apna Har Andaz Aankhon Ko Tar-o-taza Laga In English By Famous Poet Zehra Nigaah. Apna Har Andaz Aankhon Ko Tar-o-taza Laga is written by Zehra Nigaah. Read famous Poem Apna Har Andaz Aankhon Ko Tar-o-taza Laga for youth and Student by Zehra Nigaah. Free Download Apna Har Andaz Aankhon Ko Tar-o-taza Laga in PDF.