Raat Ajab Aaseb-zada Sa Mausam Tha
raat ajab aaseb-zada sa mausam tha
apna hona aur na hona mubham tha
ek gul-e-tanhai tha jo hamdam tha
KHar o ghubar ka sarmaya bhi kam kam tha
aankh se kaT kaT jate the sare manzar
raat se rang-e-dida-e-hairan barham tha
jis aalam ko hu ka aalam kahte hain
wo aalam tha aur wo aalam paiham tha
KHar KHamida-sar the bagule be-awaz
sahra mein bhi aaj kasi ka matam tha
raushniyan atraf mein 'zehra' raushan thin
aaine mein aks hi tera maddham tha
Zehra Nigaah 
(1291) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544