Qurbaton Se Kab Talak Apne Ko Bahlaenge Hum
qurbaton se kab talak apne ko bahlaenge hum
Doriyan mazbut hongi chhuTte jaenge hum
tera ruKH sae ki jaanib meri aankhen su-e-mahr
dekhna hai kis jagah kis waqt mil paenge hum
ghar ke sare phul hangamon ki raunaq ho gae
KHali gul-danon se baaten karke so jaenge hum
adh-khuli takiye pe hogi ilm-o-hikmat ki kitab
waswason wahmon ke tufanon mein ghar jaenge hum
us ne aahista se 'zahra' kah diya dil khil uTha
aaj se is nam ki KHushbu mein bas jaenge hum
Zehra Nigaah 
(1107) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544