Kahani Gul-zamina Ki
gul-zamina!
suno
toda-e-KHak par
apni konpal si ungli se
kya likh rahi ho?
gul-zamina ne sharbat bhari aankhen upar uThain aur kahne lagi
kuchh hi din qabl
ye toda-e-KHak hi mera school tha
main ne allah ka nam
ya-hafizo
us ki diwar par likh diya tha
mere kaghaz, qalam, aur kitaben
mere kumbe ke ham-rah sab miT chuke hain
main yahan roz aati hun
apni yaadon ke baste se
pichhle sabaq DhunDhti hun
safha-e-KHak par un ko likhti hun
aur lauT jati hun
meri qismat mein paDhna nahin hai
na ho!
mera aamoKHta
mera likhna to jari rahe
Zehra Nigaah 
(953) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544