Tamil-e-wafa Ka Ahd-nama

KHamosh hain sahiban-e-munsif

hairan hain rahbaran-e-muKHlis

lashon ka koi watan nahin hai

murdon ki koi zaban nahin hai

ujDe hue ghar ki KHamushi mein

nauhe ki nidaen ek si hain

matam ka hai lahja ek jaisa

rone ki sadaen ek si hain

aankhon ki siyahiyan hain maddham

palkon ki qalam hai para-para

KHunab hua hai mushaf-e-ruKH

honTon ke hain daere shikasta

chehre ki kitab ke waraq par!

zaKHmon ne jo hashiye likhe hain

in sab ki zaban hai ek jaisi

wo sab ki samajh mein aa gae hain

ek pal ke liye shab-e-alam mein

chamkenge tasalliyon ke aansu

kuchh der darida-damanon mein!

mahkegi sataishon ki KHushbu

phir KHak ki jild mein chhupega

tamil-e-wafa ka ahd-nama!

mil jaengi warison ko yaaden

ho jaega qafila rawana

(1019) Peoples Rate This

Your Thoughts and Comments

Tamil-e-wafa Ka Ahd-nama In English By Famous Poet Zehra Nigaah. Tamil-e-wafa Ka Ahd-nama is written by Zehra Nigaah. Read famous Poem Tamil-e-wafa Ka Ahd-nama for youth and Student by Zehra Nigaah. Free Download Tamil-e-wafa Ka Ahd-nama in PDF.