Ajab Kashakash-e-bim-o-raja Hai Tanhai

ajab kashakash-e-bim-o-raja hai tanhai

tere baghair tera samna hai tanhai

nae dinon ki saliben gae dinon ke mazar

azab KHud se mulaqat ka hai tanhai

faza mein hain kisi tufan-e-tund ke aasar

safar tawil hai aur rasta hai tanhai

bahut udas hai dil doston ki mahfil mein

har ek aankh mein chehra-numa hai tanhai

shagufta phulon ka gul-dasta sohbat-e-yaran

bikharte patton ka ek Dher sa hai tanhai

main aaftab ko kaise dikhaun tariki

tujhe main kaise bataun ki kya hai tanhai

ajab sukun tha shab aansuon ki barish mein

wo gham-gusar wo dard-ashna hai tanhai

wo KHwab kya tha ki jis ki hayat hai tabir

wo jurm kya tha ki jis ki saza hai tanhai

nahin mile the to tanhai kis qadar thi 'ziya'

wo mil ke bichhDe to us se siwa hai tanhai

(589) Peoples Rate This

Your Thoughts and Comments

Ajab Kashakash-e-bim-o-raja Hai Tanhai In English By Famous Poet Zia Jalandhari. Ajab Kashakash-e-bim-o-raja Hai Tanhai is written by Zia Jalandhari. Read famous Poem Ajab Kashakash-e-bim-o-raja Hai Tanhai for youth and Student by Zia Jalandhari. Free Download Ajab Kashakash-e-bim-o-raja Hai Tanhai in PDF.