Duri

meri nazar mein hai ab tak wo sham wo mahfil

wo ek hujum-e-tarb wo nashat-e-naghma-o-nur

sharir laDkiyan rangin titliyan betab

labon pe gul-kada-e-guftugu khilae hue

wo qahqahe wo masarrat ki nuqrai jhankar

aur is hujum mein tum jaise gulsitan mein bahaar

main apne gosha-e-kam-tab mein hujum se dur

udas nazron mein maddham diye jalae hue

tum aain hansti hui aain barq ke manind

mere qarib se kitni qarib se guzrin

bhaDakta shoala tha jaise wo gosha-e-kam-tab

mere qarib ho aur kis qadar qarib ho aaj

nazar nazar mein liye qahqahon ki tabani

faza mein chand ki kirnen nikhar ke bikhri hain

magar kabhi kabhi jis tarah koi saya sa

tumhaari palkon se kuchh kah ke lauT jata hai

dabi dabi wahi sargoshiyan wahi aawaz

ki is jamal o masarrat ki tah mein pinhan hai

wo ruh-e-tira jise ek kiran nasib nahin

mere qarib ho aur kitni dur ho mujh se

KHushi ka sath to hai aansuon ka sath nahin

hanso aur itna hanso tum baras paDen aankhen

phir in sulagte hue aansuon mein bah jae

wo dard aur wo duri jo qahqahon mein hai

(1112) Peoples Rate This

Your Thoughts and Comments

Duri In English By Famous Poet Zia Jalandhari. Duri is written by Zia Jalandhari. Read famous Poem Duri for youth and Student by Zia Jalandhari. Free Download Duri in PDF.