Dil Ka Gham Se Gham Ka Nam Se Rabta Banta Gaya

dil ka gham se gham ka nam se rabta banta gaya

dhire dhire barishon ka silsila banta gaya

dard-o-gham sahne ki aadat is qadar puKHta hui

haarna aaKHir hamara mashghala banta gaya

ek ek kar ke bahut dukh sath mere ho liye

marhala-dar-marhala ek qafila banta gaya

zabt ka daman jo chhuTa hath se mere to phir

mera chehra karb ka ek aaina banta gaya

har taraf phaila hua tha be-yaqini ka dhuan

KHud-baKHud 'faruq' phir ek rasta banta gaya

(648) Peoples Rate This

Your Thoughts and Comments

Dil Ka Gham Se Gham Ka Nam Se Rabta Banta Gaya In English By Famous Poet Zubair Farooq. Dil Ka Gham Se Gham Ka Nam Se Rabta Banta Gaya is written by Zubair Farooq. Read famous Poem Dil Ka Gham Se Gham Ka Nam Se Rabta Banta Gaya for youth and Student by Zubair Farooq. Free Download Dil Ka Gham Se Gham Ka Nam Se Rabta Banta Gaya in PDF.