Mujhe Tum Shohraton Ke Darmiyan Gumnam Likh Dena
mujhe tum shohraton ke darmiyan gumnam likh dena
jahan dariya mile be-ab mera nam likh dena
ye sara hijr ka mausam ye sari KHana-virani
ise ai zindagi mere junun ke nam likh dena
tum apne chand tare kahkashan chahe jise dena
meri aankhon pe apni did ki ek sham likh dena
mere andar panahen DhunDti phirti hai KHamoshi
lab-e-goya mere andar bhi ek kohram likh dena
wo mausam ja chuka jis mein parinde chahchahate the
ab in peDon ki shaKHon par sukut-e-sham likh dena
shabistanon mein lau dete hue kundan se jismon par
hawa ki ungliyon se wasl ka paigham likh dena
Zubair Rizvi 
(2129) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544