Patthar Ki Qaba Pahne Mila Jo Bhi Mila Hai
patthar ki qaba pahne mila jo bhi mila hai
har shaKHs yahan soch ke sahra mein khaDa hai
ne jam khanakte hain na kafi ke piyale
dil shab ki sadaon ka jahan DhunD raha hai
saDkon pe karo dauDte pahiyon ka taaqub
umDi hui aakash pe sawan ki ghaTa hai
jate hue ghar tum jo mujhe saunp gae the
wo waqt mujhe chhoD ke begana hua hai
tum pas jo hote to faza aur hi hoti
mausam mere pahlu se abhi uTh ke gaya hai
malbus se chhante hue shadab badan ne
tahzib-e-KHayalat ko aawara kiya hai
Zubair Rizvi 
(1282) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544