Siyah PaTTi
hum abhi kuchh der pahle sath the
shahr sara yun laga tha
jaise apne hi taaqub mein
kiran suraj ki thame chal raha hai
us ki aankhen ban ke patthar uTh rahi thin
qurb ke aaine chhan se TuT kar reza hue the
honT apne sil gae the
jism apne jal gae the
hum bichhaD ke na-muradon ki tarah
wapas hue to
shahr sara ajnabi sa ho gaya hai
us ki aankhon par siyah paTTi bandhi hai
Zubair Rizvi 
(1106) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544