Mujhko Ye Waqt Waqt Ko Main Kho Ke KHush Hua

mujh ko ye waqt waqt ko main kho ke KHush hua

kaTi nahin wo fasl jise bo ke KHush hua

wo ranj tha ki ranj na karna muhaal tha

aaKHir mein ek sham bahut ro ke KHush hua

sahab wo bu gai na wo nashsha hawa hua

apne tain main jam-o-subu dho ke KHush hua

aisi KHushi ke KHwab se jaga ki aaj tak

KHush ho ke so saka na kabhi so ke KHush hua

chhani ek umr KHak KHushi ki talash mein

hona tha rizq-e-KHak mujhe ho ke KHush hua

'adil' mera libas hi ham-rang-e-dagh tha

kar-e-rafu kiya na kabhi dho ke KHush hua

(676) Peoples Rate This

Your Thoughts and Comments

Mujhko Ye Waqt Waqt Ko Main Kho Ke KHush Hua In English By Famous Poet Zulfiqar Aadil. Mujhko Ye Waqt Waqt Ko Main Kho Ke KHush Hua is written by Zulfiqar Aadil. Read famous Poem Mujhko Ye Waqt Waqt Ko Main Kho Ke KHush Hua for youth and Student by Zulfiqar Aadil. Free Download Mujhko Ye Waqt Waqt Ko Main Kho Ke KHush Hua in PDF.