Safar Pe Jaise Koi Ghar Se Ho Ke Jata Hai
safar pe jaise koi ghar se ho ke jata hai
har aabla mere andar se ho ke jata hai
jahan se chahe guzar jae mauja-e-ummid
ye kya ki mere barabar se ho ke jata hai
junun ka puchhiye hum se ki shahr ka har chaak
isi dukan-e-rafugar se ho ke jata hai
main roz ek zamane ki sair karta hun
ye rasta mere bistar se ho ke jata hai
hamare dil mein hawale hain sari yaadon ke
waraq waraq isi daftar se ho ke jata hai
Zulfiqar Aadil 
(1419) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544