Shukr Kiya Hai In PeDon Ne Sabr Ki Aadat Dali Hai

shukr kiya hai in peDon ne sabr ki aadat Dali hai

is manzar se dekho barish hone wali hai

socha ye tha waqt mila to TuTi chizen joDenge

ab kone mein Dher laga hai baqi kamra KHali hai

baiThe baiThe phenk diya hai aatish-dan mein kya kya kuchh

mausam itna sard nahin tha jitni aag jala li hai

apni marzi se sab chizen ghumti phirti rahti hain

be-tartibi ne is ghar mein itni jagah bana li hai

der se qufl paDa darwaza ek diwar hi lagta tha

us par ek khule darwaze ki taswir laga li hai

har hasrat par ek girah si paD jati thi sine mein

rafta rafta sab ne mil kar dil si shakl bana li hai

upar sab kuchh jal jaega kaun madad ko aaega

jis manzil par aag lagi hai sab se niche wali hai

ek kamra sayon se bhara hai ek kamra aawazon se

aangan mein kuchh KHwab paDe hain waise ye ghar KHali hai

pairon ko to dasht bhi kam hai sar ko dasht-nawardi bhi

'adil' hum se chadar jitni phail saki phaila li hai

(1426) Peoples Rate This

Your Thoughts and Comments

Shukr Kiya Hai In PeDon Ne Sabr Ki Aadat Dali Hai In English By Famous Poet Zulfiqar Aadil. Shukr Kiya Hai In PeDon Ne Sabr Ki Aadat Dali Hai is written by Zulfiqar Aadil. Read famous Poem Shukr Kiya Hai In PeDon Ne Sabr Ki Aadat Dali Hai for youth and Student by Zulfiqar Aadil. Free Download Shukr Kiya Hai In PeDon Ne Sabr Ki Aadat Dali Hai in PDF.