Wo Jien Kya Jinhen Jine Ka Hunar Bhi Na Mila
wo jien kya jinhen jine ka hunar bhi na mila
dasht mein KHak uDate rahe ghar bhi na mila
KHas-o-KHashak se nisbat thi to hona tha yahi
DhunDne nikle the shole ko sharar bhi na mila
na puranon se nibhi aur na nae sath chale
dil udhar bhi na mila aur idhar bhi na mila
dhup si dhup mein ek umr kaTi hai apni
dasht aisa ki jahan koi shajar bhi na mila
koi donon mein kahin rabt-e-nihan hai shayad
but-kada chhuTa to allah ka ghar bhi na mila
hath uTThe the qadam phir bhi baDhaya na gaya
kya tajjub jo duaon mein asar bhi na mila
bazm ki bazm hui raat ke jadu ka shikar
koi dil-dada-e-afsun-e-sahar bhi na mila
Aal-e-Ahmad Suroor 
(1896) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544