KHayal Jin Ka Hamein Roz-o-shab Satata Hai

KHayal jin ka hamein roz-o-shab satata hai

kabhi unhen bhi hamara KHayal aata hai

tumhaara ishq jise KHak mein milata hai

isi ki KHak se phir phul bhi khilata hai

Dhalegi raat to phailega nur bhi is ka

charagh apna sar-e-sham jhilmilata hai

na tai hui teri sham-e-jamal se bhi jo rah

wahin pe mera junun rasta dikhata hai

na jaane shauq ko aadat hai kyun bahakne ki

tera hijab to be-shak adab sikhata hai

kahan bujhae se bujhte hain ishq ke shoale

charagh yun to jo jalta hai bujh bhi jata hai

ye baad-e-rah-e-guzar dar-KHur-e-chaman na sahi

ghubar ka bhi Thikana nikal hi aata hai

junun ki chaal pe ThiTki na wo nazar tanha

yahan zamana bhi qadmon mein loT jata hai

hai tere gham ki gham-e-rozgar se sazish

kahan kahan dil-e-diwana kaam aata hai

'surur' jins-e-wafa bechte nahin phirte

jigar ke dagh dikhana to sab ko aata hai

(736) Peoples Rate This

Your Thoughts and Comments

KHayal Jin Ka Hamein Roz-o-shab Satata Hai In English By Famous Poet Aal-e-Ahmad Suroor. KHayal Jin Ka Hamein Roz-o-shab Satata Hai is written by Aal-e-Ahmad Suroor. Read famous Poem KHayal Jin Ka Hamein Roz-o-shab Satata Hai for youth and Student by Aal-e-Ahmad Suroor. Free Download KHayal Jin Ka Hamein Roz-o-shab Satata Hai in PDF.