Pata Kahin Se Tera Ab Ke Phir Laga Lae

pata kahin se tera ab ke phir laga lae

suhane KHwab naya mashghala uTha lae

lagi thi aag to ye bhi to us ki zad mein the

ajib log hain daman magar bacha lae

chalo to rah mein kitne hi dariya aate hain

magar ye kya ki unhen apne ghar baha lae

tujhe bhulane ki koshish mein phir rahe the ki hum

kuchh aur sath mein parchhaiyan laga lae

suna hai chehron pe bikhri paDi hain tahriren

uDa ke kitne waraq dekhen ab hawa lae

na ibtida ki KHabar aur na intiha malum

idhar udhar se suna aur bas uDa lae