Qissa-go
wahi qissa-go
jo ek roz qissa sunate sunate
kisi pyas ko yaad karta hua,
uTh gaya tha
phir ek roz logon se ye bhi suna tha
ki wo,
pyas hi pyas ki raT lagata hua
ek kuen mein gira tha
idhar kuchh dinon se
ye afwah gardish mein hai
ki wo qissa-go
jise bhi dikhai diya hai
wo bas!
pyas hi pyas ki raT lagata hua
kuen ki taraf ja raha hai
Aashufta Changezi 
(1293) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544