Parchhaiyan PakaDne Wale
diary ke ye sada waraq
aur qalam chhin lo
aainon ki dukanon mein sab
apne chehre liye
ek barhana tabassum ke mohtaj hain
sard bazar mein
ek bhi chahne wala aisa nahin
jo unhen zindagi ka sabab baKHsh de
dhund se jagmagate hue shahr ki battiyan
sajda karti hui kahkashan
KHub-surat KHudaon ki phirti hui Toliyan
aisa lagta hai sab
ek muddat se parchhaiyon ko pakaDne mein masruf hain!!!
Aashufta Changezi 
(1478) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544