Sar Jhukae Sar-e-mahshar Jo Gunahgar Aae

sar jhukae sar-e-mahshar jo gunahgar aae

us ke andaz pe rahmat ko na kyun pyar aae

jam-o-paimana se mai-KHana se kya kaam use

ho ke saqi ki nigahon se jo sarshaar aae

di sada dil ne zara aur bhi dushwar ho rah

raste jab bhi mere samne hamwar aae

zindagi kyun na mere maut pe un ki jo log

muskuraate hue zindan se sar-e-dar aae

main ne tazin-e-chaman ke liye KHun apna diya

pae phul auron ne hisse mein mere KHar aae

bankpan apni tabiat ka kabhi kam na hua

samne apne koi lakh tarah-dar aae

aise jaan-bazon ki ban jae na kyun maut hayat

muskuraate hue 'asi' jo sar-e-dar aae

(594) Peoples Rate This

Your Thoughts and Comments

Sar Jhukae Sar-e-mahshar Jo Gunahgar Aae In English By Famous Poet Aasi Ramnagri. Sar Jhukae Sar-e-mahshar Jo Gunahgar Aae is written by Aasi Ramnagri. Read famous Poem Sar Jhukae Sar-e-mahshar Jo Gunahgar Aae for youth and Student by Aasi Ramnagri. Free Download Sar Jhukae Sar-e-mahshar Jo Gunahgar Aae in PDF.