Doston Ki Bazm Mein Saghar UThae Jaenge

doston ki bazm mein saghar uThae jaenge

chandni raaton ke qisse phir sunae jaenge

aaj maqtal mein laga hai sar-phiron ka ek hujum

phir kisi qatil ke jauhar aazmae jaenge

zikr phir guzre zamanon ka wahan chhiD jaega

waqt ke chehre se phir parde uThae jaenge

chal paDega phir bayan ek chand se ruKHsar ka

yaad phir zulfon ke pech-o-KHam dilae jaenge

baat chal niklegi phir iqrar ki inkar ki

phir wahi bachpan ke bhule git gae jaenge

yaad aaenge fasane yun to sab ko bazm mein

kuchh kahenge aur kuchh bas muskurae jaenge

jo andhere DhunDhte hain munh chhupane ke liye

raushni ke ru-ba-ru ek din wo lae jaenge

maut ne har bazm ki surat badal Dali yahan

rah gae kuchh yar so wo bhi uThae jaenge

aa chalen 'azim' purane doston ke darmiyan

yaad ki basti mein phir kuchh gul khilae jaenge

(1287) Peoples Rate This

Your Thoughts and Comments

Doston Ki Bazm Mein Saghar UThae Jaenge In English By Famous Poet Aazim Kohli. Doston Ki Bazm Mein Saghar UThae Jaenge is written by Aazim Kohli. Read famous Poem Doston Ki Bazm Mein Saghar UThae Jaenge for youth and Student by Aazim Kohli. Free Download Doston Ki Bazm Mein Saghar UThae Jaenge in PDF.