Main Us Se Dur Raha Uski Dastaras Mein Raha

main us se dur raha us ki dastaras mein raha

wo ek shoale ki surat mere nafas mein raha

nazar asir isi chashm-e-mai-fashan ki rahi

mera badan bhi meri ruh ke qafas mein raha

chaman se TuT gaya barg-e-zard ka rishta

na aab o gil mein samaya na KHar-o-KHas mein raha

tamam umr ki be-tabiyon ka hasil tha

wo ek lamha jo sadiyon ke pesh-o-pas mein raha

wo ek shaer-e-ashufta-sar ki mujh mein tha

hawa ka sath na de kar hawa ke bas mein raha

kisi KHayal ke nashshe mein din guzarte rahe

main apni umr ke unniswen baras mein raha

(612) Peoples Rate This

Your Thoughts and Comments

Main Us Se Dur Raha Uski Dastaras Mein Raha In English By Famous Poet Abbas Rizvi. Main Us Se Dur Raha Uski Dastaras Mein Raha is written by Abbas Rizvi. Read famous Poem Main Us Se Dur Raha Uski Dastaras Mein Raha for youth and Student by Abbas Rizvi. Free Download Main Us Se Dur Raha Uski Dastaras Mein Raha in PDF.