Sada-e-zat Ke Unche Hisar Mein Gum Hai
sada-e-zat ke unche hisar mein gum hai
wo KHamushi ka musafir pukar mein gum hai
wo shahr-e-shab ke kinare charagh jalta hai
ki koi subh mere intizar mein gum hai
ye kah rahi hain kisi ki jhuki jhuki aankhen
badan ki aanch nazar ke KHumar mein gum hai
har ek samt se us ko sadaen aati hain
mujhe pukar ke KHud bhi pukar mein gum hai
nae charagh jala mujh ko DhunDne wale
teri nazar to nazar ke ghubar mein gum hai
Abbas Tabish 
(1571) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544