Pagal
wo aaya shahr ki taraf
ek us ki chap ki khanak
qayam-e-roz-e-ishq ki pukar thi
ki barg-o-bar-e-KHak ka fishaar thi
wo aaya shahr ki taraf
lapak ke inT ki taraf
wo is tarah baDha ki jaise nan-e-KHushk par koi
sag-e-gurasua gir paDe
wo galiyon bhari zaban gali gali chhalak paDi
har ek jeb us ki ungliyon se tar tar thi
ki us ki thuthni se phuTti gamak
qiyam-e-roz-e-ishq ki pukar thi
wo galiyon bhari zaban mera libas gandagi se bhar gai
na jaane kitne log
us ke dast-e-dashna-dar se guzar gae
hayat par kar gae
wo be-hunar subuk-tani se Dar gaya
sab us ki rah se haT gae
to us ne apni ruh ki barahnagi
zamin-e-mah ki taraf uchhaal di
ki ye hunar usi ka tha
Abbas Tabish 
(1639) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544