Meri Nigahon Pe Jis Ne Sham O Sahar Ki Ranaiyan Likhi Hain

meri nigahon pe jis ne sham o sahar ki ranaiyan likhi hain

usi ne meri shabon ke haq mein ye karb-asaiyan likhi hain

kahan hain wo aarzu ke chashme talab ke wo maujzan samundar

nazar ne aandhe kuen banae hain fikr ne khaiyan likhi hain

ye jism kya hai ye zawiyon ka tilism kya hai wo ism kya hai

adhuri aagahiyon ne jism ki ye nisf golaiyan likhi hain

kinae pairae istiare alamaten ramziye ishaare

kiran se paikar ko zawiye de ke hum ne parchhaiyan likhi hain

suKHan ka ye narm-sail dariya Dhale to ek aabshaar bhi hai

nasheb-e-dil tak utar ke paDhna baDi tawanaiyan likhi hain

mere mah o sal ki kahani ki dusri qist is tarah hai

junun ne ruswaiyan likhi thin KHirad ne tanhaiyan likhi hain

ye mere naghmon ki dil-rasi teri jhil aaankhon ki shaeri hai

jamal ki sath di hai tu ne to main ne gahraiyan likhi hain

(1079) Peoples Rate This

Your Thoughts and Comments

Meri Nigahon Pe Jis Ne Sham O Sahar Ki Ranaiyan Likhi Hain In English By Famous Poet Abdul Ahad Saaz. Meri Nigahon Pe Jis Ne Sham O Sahar Ki Ranaiyan Likhi Hain is written by Abdul Ahad Saaz. Read famous Poem Meri Nigahon Pe Jis Ne Sham O Sahar Ki Ranaiyan Likhi Hain for youth and Student by Abdul Ahad Saaz. Free Download Meri Nigahon Pe Jis Ne Sham O Sahar Ki Ranaiyan Likhi Hain in PDF.