Khuli Wo Zulf To Pahli Hasin Raat Hui
khuli wo zulf to pahli hasin raat hui
uThi wo aankh to taKHliq-e-kaenat hui
KHuda ne gaDh to diya aalam-e-wajud magar
sajawaTon ki bina auraton ki zat hui
gile bahut the magar jab nazar nazar se mili!
na mujh se baat hui aur na un se baat hui
dil-e-tabah ko kuchh aur kar gai zaKHmi!
wo ek nigah jo labrez-e-iltifat hui
hayat o maut ki ghaarat-gari ka haal na puchh
jo maut na ban saki wo 'adam' hayat hui
Abdul Hamid Adam 
(1756) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544