Subh Safar Aur Sham Safar
subh safar aur sham safar
hasti ka anjam safar
unche nam se kya hota hai
karna hai be-nam safar
suniye KHizan se kya kahti hai
gul gulshan gulfam safar
chand-sitare aur hawa
kis ko hai aaram safar
bachiye bachiye us se bachiye
kar de jo badnam safar
gahe kaam bigaDe bhi hai
gahe aawe kaam safar
khil nahin pae aur murjhae
hae re be-hangam safar
kaisa sauda sar mein samaya
sal-o-mah-o-ayyam safar
shikwa hai be-baal-o-pari ka
dekhiye zer-e-dam safar
tum bhi raho tayyar hi 'tarzi'
'ghaalib' aur 'KHayyam' safar
Abdul Mannan Tarzi 
(1332) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544