دامن کی فکر ہے نہ گریباں کی فکر ہے
دامن کی فکر ہے نہ گریباں کی فکر ہے
اہل وطن کو فتنۂ دوراں کی فکر ہے
گلشن کی فکر ہے نہ بیاباں کی فکر ہے
اہل جنوں کو فصل بہاراں کی فکر ہے
لوگوں کو اپنی فکر ہے لیکن مجھے ندیم
بزم حیات و نظم گلستاں کی فکر ہے
ہم مقتل حیات میں ہیں سر بکف مگر
اہل ہوس کو اپنے دل و جاں کی فکر ہے
ساحل سے دور رہ کے ہے منزل کی جستجو
موجوں کی فکر ہم کو نہ طوفاں کی فکر ہے
ہم کو نہیں ہے فکر کسی بات کی نیازؔ
تاریکیوں میں شمع فروزاں کی فکر ہے
عبدالمتین نیاز 
(1135) ووٹ وصول ہوئے
Daman Ki Fikr Hai Na Gareban Ki Fikr Hai In Urdu By Famous Poet Abdul Mateen Niyaz. Daman Ki Fikr Hai Na Gareban Ki Fikr Hai is written by Abdul Mateen Niyaz. Enjoy reading Daman Ki Fikr Hai Na Gareban Ki Fikr Hai Poem on Inspiration for Students, Youth, Girls and Boys by Abdul Mateen Niyaz. Free Dowlonad Daman Ki Fikr Hai Na Gareban Ki Fikr Hai by Abdul Mateen Niyaz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends