Abas DhunDa Kiye Hum Na-KHudaon Ko Safinon Mein
abas DhunDa kiye hum na-KHudaon ko safinon mein
wo the aasuda-e-sahil mile sahil-nashinon mein
wo auron ke buton ko toDne walon ko dekho to
chhupae phirte hain apne buton ko aastinon mein
hamari bekasi aur na-tawani ka KHuda hafiz
ki talwaren hain pinhan rahbaron ki aastinon mein
chhalak jati hai ashk-e-garm ban kar meri aankhon se
Thaharti hi nahin sahba-e-dard in aabginon mein
mere ashaar hain aaina-e-soz-e-darun 'bazmi'
jhalakta hai mera KHun-e-jigar in aabginon mein
Abdul Rahman Bazmi 
(687) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544