KHwab Mein Gar Koi Kami Hoti
KHwab mein gar koi kami hoti
aankh muddat se khul chuki hoti
tum samundar mein kis liye kude
aag to yun bhi bujh gai hoti
wo to dariya utar gaya warna
jaane basti pe kya bani hoti
wo sada raat ko jo aati thi
jagte rahte to suni hoti
de rahi hai mere badan ko duaen
raat akeli ThiThur gai hoti
an-ginat rang the nigahon mein
koi taswir to bani hoti
tum yunhi sochte rahe 'abid'
umr yun bhi guzar gai hoti
Abid Almi 
(1019) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544