Na Ghar Sukun-kada Hai Na KarKHana-e-ishq
na ghar sukun-kada hai na karKHana-e-ishq
magar ye hum hain ki likhte rahe hain nama-e-ishq
bahut se nam the ab koi yaad aata nahin
hamare dil mein raha dafn ek KHazana-e-ishq
sab apne apne tariqe se bhik mangte hain
koi ba-nam-e-mohabbat koi ba-jama-e-ishq
tumhi pe kya ki hum ab KHud pe bhi nahin khulte
to kya ye kam hai ki hum par khula fasana-e-ishq
kai zamane gae aur badal gaya sab kuchh
magar kabhi nahin badla tera zamana-e-ishq
sulagte rahne ki lazzat use kahan malum
ki jab talak koi banta nahin nishana-e-ishq
use phir apni KHabar bhi nahin rahi 'abid'
laga hai jis ko bhi ek bar taziyana-e-ishq
Abid Wadood 
(736) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544