Kis Ka Hai Jurm Kis Ki KHata Sochna PaDa
kis ka hai jurm kis ki KHata sochna paDa
rahte hain kyun wo hum se KHafa sochna paDa
gul ki hansi mein raqs-e-nujum-o-qamar mein bhi
shamil hai kitni teri ada sochna paDa
jab bhi meri wafaon ki baat aa gai kahin
un ko phir ek uzr-e-jafa sochna paDa
ghunche udas gul hain fasurda chaman chaman
kis ka karam hai baad-e-saba sochna paDa
shayad tumhaari yaad mere pas aa gai
ya hai mere hi dil ki sada sochna paDa
jab bhi koi bhaTak ke sar-e-rah aa gaya
kitni kaThin hai rah-e-wafa sochna paDa
zindan ki baat dar ke charche rasan ka zikr
kitni ajab hai tab-e-rasa sochna paDa
Abrar Azmi 
(1385) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544