Shauq BaDhta Hai Mere Dil Ka Dil-afgaron Ke Bich
shauq baDhta hai mere dil ka dil-afgaron ke bich
josh karta hai junun majnun ka gulzaron ke bich
aashiqan ke bich mat le ja dil-e-be-shauq ko
shisha-e-KHali ko kya izzat hai mai-KHwaron ke bich
ru-ba-ru aur aankh ojhal ek san ho jis ka pyar
is tarah ka kam nazar aata hai kui yaron ke bich
'abru' gham ke bhanwar mein dil KHuda seti laga
naKHuda kuchh kaam aata nahin hai manjdhaaron ke bich
Abroo Shah Mubarak 
(847) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544