KHamushi Se Hui Fughan Se Hui
KHamushi se hui fughan se hui
ibtida ranj ki kahan se hui
koi tair idhar nahin aata
kaisi taqsir is makan se hui
mausamon par yaqin kyun chhoDa
bad-gumani to saeban se hui
be-nihayat samundaron ka safar
guftugu sirf baadban se hui
ye jo uljhi hui kahani hai
mo'tabar harf-e-raegan se hui
dil ki aabaadiyon ko puchho ho
raushni barq-e-be-aman se hui
tishnagi bebasi lab-e-dariya
meri pahchan hi wahan se hui
itni ujli na thi ye rahguzar
naqsh-e-pa-e-bala-kashan se hui
Ada Jafri 
(805) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544