KHalish-e-tir-e-be-panah Gai
KHalish-e-tir-e-be-panah gai
lijiye un se rasm-o-rah gai
aap hi markaz-e-nigah rahe
jaane ko chaar-su nigah gai
samne be-naqab baiThe hain
waqat-e-husn-e-mehr-o-mah gai
us ne nazren uTha ke dekh liya
ishq ki jurat-e-nigah gai
intiha-e-junun mubarakbaad
pursish-e-haal gah gah gai
mar miTe jald-baz parwane
apni si shama to nibah gai
dil mein azm-e-haram sahi lekin
un ke kuche ko gar ye rah gai
Ada Jafri 
(731) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544