Roz-o-shab Ki Koi Surat To Bana Kar Rakhkhun
roz-o-shab ki koi surat to bana kar rakhkhun
kisi lahje kisi aahaT ko saja kar rakhkhun
koi aansu sa ujala koi mahtab si yaad
ye KHazine hain inhen sab se chhupa kar rakhkhun
shor itna hai ki kuchh kah na sakungi us se
ab ye socha hai nigahon ko daba kar rakhkhun
aandhiyan haar gain jab tu KHayal aaya hai
phul ko tund hawaon se bacha kar rakhkhun
mere aanchal mein sitare hi sitare hain 'ada'
ye jo sadiyan hain judai ki saja kar rakhkhun
Ada Jafri 
(875) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544