Shayad Abhi Hai Rakh Mein Koi Sharar Bhi
shayad abhi hai rakh mein koi sharar bhi
kyun warna intizar bhi hai iztirar bhi
dhyan aa gaya tha marg-e-dil-e-na-murad ka
milne ko mil gaya hai sukun bhi qarar bhi
ab DhunDne chale ho musafir ko dosto
had-e-nigah tak na raha jab ghubar bhi
har aastan pe nasiya farsa hain aaj wo
jo kal na kar sake the tera intizar bhi
ek rah ruk gai to ThiThuk kyun gain 'ada'
aabaad bastiyan hain pahaDon ke par bhi
Ada Jafri 
(787) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544