Nigah OT Rahun Kasa-e-KHabar Mein Rahun
nigah oT rahun kasa-e-KHabar mein rahun
main bujhte bujhte bhi pairahan-e-sharar mein rahun
main KHud hi roz tamanna mein aap sham-e-firaq
ajab nahin jo akeli bhare nagar mein rahun
sulag uThi to andheron ka rakh liya hai bharam
jo raushni hon to kyun chashm-e-nauha-gar mein rahun
tamam umr safar mein guzar dun apni
tamam umr tamanna-e-rahguzar mein rahun
likha gaya mujhe aawaz-e-KHamushi ki tarah
KHud apna aks banun saya-e-hunar mein rahun
wo tishnagi thi ki shabnam ko honT tarse hain
wo aab hun ki muqayyad guhar guhar mein rahun
'ada' main nikhat-e-gul bhi na thi saba na thi
ki mehman si rahun aur apne ghar mein rahun
Ada Jafri 
(819) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544