Wo Lamha Ki KHamoshi-e-shab Naghma-sara Thi
wo lamha ki KHamoshi-e-shab naghma-sara thi
kanon pe garan dil ke dhaDakne ki sada thi
jis moD pe chhoDi hai sahaaron ki tamanna
kahte hain baDa qahr wahi laghzish-e-pa thi
kyun aaj dhuan ban ke ufuq-ta-ba-ufuq hai
is sans mein kaliyon ke chaTakne ki sada thi
har lamha-e-betab ne DhunDi hain panahen
gunji thi KHamoshi teri aawaz to kya thi
har din ke sahife pe tera nam likha hai
har shab ki jabin tera nishan-e-kaf-e-pa thi
kya kahte ki honTon pe bas ek harf-e-wafa tha
kya kijiye har sans jo tazir-e-wafa thi
uThte hue dekha hai dhuan aatish-e-gul se
kya nikhat-e-barbaad jale dil ki dua thi
kya jaaniye marna bhi rawa hai ki nahin hai
takwin ke lab par mere jine ki dua thi
Ada Jafri 
(957) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544