Main Guftugu Hun Ki Tahrir Ke Jahan Mein Hun
main guftugu hun ki tahrir ke jahan mein hun
mujhe samajh to sahi main teri zaban mein hun
KHud apni sans ki rukti hai apne chalne se
ye kya ghuTan hai main kis tang se makan mein hun
jila raha hai mare jism ko mera hi kamal
main ek tir hun TuTi hui kaman mein hun
guzar rahi hai mare sar se gahakon ki nigah
zara si chiz hun lekin baDi dukan mein hun
mere qarib se guzra nahin hai sang-tarash
mujassama hun main ab tak magar chaTan mein hun
mujhi mein gunj rahi hai mere suKHan ki sada
nawa-e-garm hun main dasht-e-be-zaban mein hun
'adim' baiTha hua hun paron ke Dher pe main
KHush is tarah hun ki jaise kisi uDan mein hun
Adeem Hashmi 
(1172) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544