Shab-e-siyah Pe Wa Raushni Ka Bab To Ho
shab-e-siyah pe wa raushni ka bab to ho
magar ye shart hai koi sitara-yab to ho
main harf ban ke teri ruh mein utar jaun
mera suKHan teri mahfil mein baryab to ho
sawad-e-shab ke safar mein sitara-war chalun
tere jamal ki lau meri ham-rikab to ho
kisi tarah to ghaTe dil ki be-qarari bhi
chalo wo chashm nahin kam se kam sharab to ho
asas-e-jism uThaun nae sire se magar
ye sochta hun ki miTTi meri KHarab to ho
wo 'aftab' lab-e-baam bhi utar aae
magar kisi mein use dekhne ki tab to ho
Aftab Hussain 
(748) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544