Har Chand Zindagi Ka Safar Mushkilon Mein Hai
har chand zindagi ka safar mushkilon mein hai
insan ka aks phir bhi kai aainon mein hai
tahzib ko talash na kar shahr shahr mein
tahzib khanDaron mein hai kuchh pattharon mein hai
tujh ko sukun nahin hai to miTTi mein Dub ja
aabaad ek jahan zamin ki tahon mein hai
kaisa tazad hai ki faza hai dhuan dhuan
aur aag hai ki zer-e-zamin KHandaqon mein hai
insan be-hisi se hai patthar bana hua
munh mein zaban bhi hai lahu bhi ragon mein hai
Afzal Minhas 
(793) Peoples Rate This